REG-01 登記前
先檢查文件同資料有冇漏

REG-01 唔係單張表格，係一個資料包

好多業主以為「填張 REG-01」就完。其實 REG-01 表格背後要附帶業權證明、租務文件、AR2／租約副本、共同業主／公司授權， 仲要對返主樓宇單位內每間分間單位嘅基本資料。任何一項唔齊，部門就會要求補件，慢咗成個流程。

下面係簡樸通會幫業主檢查嘅項目。你可以先自己對返一次，唔齊嗰啲位 WhatsApp 我哋幫你跟。

申請人 / 授權人士

• 申請人香港身份證／護照副本
• 申請人聯絡電話、電郵、通訊地址
• 如非單獨擁有：所有共同業主嘅書面同意書
• 如公司持有：公司註冊證書 + 商業登記 + 董事決議授權
• 如代理人申請：授權書 + 代理人身份證明

物業基本資料 + 業權

• 主樓宇單位完整地址（街道、座號、樓層、單位）
• 土地查冊副本（一般 6 個月內）
• 大廈公契副本（如有）
• 樓宇用途確認（私人住用 / 綜合用途住用部分）
• 如有按揭：按揭銀行同意 / 通知文件（按情況）

每間分間單位嘅基本資料

• 主樓宇單位內分間單位數目
• 每間分間單位嘅編號、面積、位置（可附草圖）
• 每間分間單位嘅相片（最少包：入口、廁所、煮食位、窗或通風）
• 單位平面圖（如有）

租賃 / AR2 / 加蓋印花

• 2025 年 7 月 4 日 – 10 月 3 日期間有效嘅分間單位住宅租約副本（最少 1 份）
• 對應該租約嘅 AR2（業主向稅務局申報租賃通知書）副本
• 如租約已加蓋印花，附加蓋印花副本
• 如業主／租客已續約：續約文件副本
• 如無 AR2 但有租約：寫低點解，由顧問幫你提示是否需要補

常見 7 個漏項提醒

1. 共同業主未簽同意書 — 配偶 / 兄弟姊妹 / 父母同名持有最常出事。
2. 公司持有但無董事決議 — 一張董事決議書可省幾星期來回。
3. 租約唔係 2025 年 7 月 4 日 – 10 月 3 日生效 — 唔啱資格時段。
4. 有租約無 AR2 — 業主以為唔報稅就無嘢，其實要交 AR2。
5. 分間單位數目同實際唔對 — 後加房或拆過房未更新。
6. 單位相片唔齊 — 缺通風 / 廁所 / 煮食位呢類關鍵相。
7. 申請人身份證副本過期或唔清 — 簡單但常見。

提交後通常會發生咩

政府部門收到 REG-01 之後，可能會： (1) 直接接納； (2) 要求補資料 / 補文件； (3) 要求釐清資料一致性。 簡樸通 A2 / A3 套餐包含一次一般補件提醒，幫你按部門要求準備跟進文件。