先講重點
三個原則：唔好亂答 yes、唔好亂答 no、唔好假裝政府
租客好少係刻意刁難，多數係驚自己無保障。佢哋唔需要你即場拍心口承諾， 只需要你可以講得到下一步點做、幾耐做。
- 唔好亂答「梗係會做啦」：講得太實會被當成承諾，將來無做或者唔合資格反而麻煩。
- 唔好亂答「使乜登記啫」：租客之後會更不安，可能會搵團體投訴。
- 唔好假裝你係官方：令租客誤會「你話無事就無事」，後果由你孭。
6 種典型情況
6 個常見問題 + 拆彈式回覆模板
① 「你呢間屋會唔會做寬限期登記？」
建議答：
多謝你關心。我哋而家正喺度按政府要求，整理寬限期登記嘅文件同流程。
因為涉及業權、租約、AR2 同政府表格，我會交專業顧問幫手對返先，
有結果我會主動更新你。
② 「我可唔可以幫你交資料？」
建議答：
租約副本同你嘅入伙資料對登記係有用。我會列張清單俾你睇，
如果你方便提供，會加快流程。
（內部 note：唔好叫租客自己交去政府，所有對外提交應由業主或獲授權人士負責。）
（內部 note：唔好叫租客自己交去政府，所有對外提交應由業主或獲授權人士負責。）
③ 「如果你唔做登記，我係咪要搬？」
建議答：
現階段我哋無計劃終止你嘅租約。寬限期登記主要係政府嘅過渡安排，
唔等於即刻要搬走。我會喺有具體進展時通知你。
詳細制度資料可以睇政府簡樸房官方網站。
④ 「我見隔離鄰居唔做登記，可唔可以投訴你？」
建議答：
每個業主處理進度唔同。我哋會按官方時間表處理，所以唔需要將我哋同其他單位比較。
如果你對制度本身有疑問，可以參考政府簡樸房網站或相關地區團體。
⑤ 「你做完登記係咪即刻要加租？」
建議答：
登記同租金係兩件唔同事。
租金調整會根據租約條款、市場情況及雙方協議處理，唔會因為登記就即刻變。
⑥ 「你做唔做認證？間屋係咪『簡樸房』？」
建議答：
寬限期登記同簡樸房認證係兩個唔同程序。
登記主要係過渡安排；認證涉及最低居住標準同指明專業人士視察。
我哋會喺寬限期內按政府指引安排下一步，有進度會通知你。
回覆完之後
業主嘅實際下一步
- 先檢查文件：業權、租約副本、AR2、共同業主簽署有冇齊。
- 分清自己屬 登記支援定 想做劏房：已有單位 → 登記支援服務；想新做 / 想合法化 → 初步分流。
- 記低租客提問日期：方便日後跟進。
- 唔好刪租約 / 刪 WhatsApp：呢啲係將來補件嘅原始記錄。
免責：
本文只屬一般溝通建議，並不構成法律意見或政府代理意見。
實際業主與租客之間嘅權利義務以租約、《業主與租客（綜合）條例》及相關法例為準；
政府申請結果以官方最終處理為準。